ৰাশি জোৰা নিৰ্ণয় ।। Rashi Jura nirnoi ।।

 

ৰাশি জোৰা চোৱাৰ নিয়ম 

প্রথমতে দৰা আৰু কন্যাৰ নামৰ ৰাশি কি স্থিৰ কৰি লব  । তাৰ পাছত দৰাৰ ৰাশিৰ পৰা কন্যাৰ ৰাশিলৈ আৰু কন্যাৰ ৰাশিৰ পৰা দৰাৰ ৰাশিলৈ লেখ কৰিলে যি সংখ্যা হয় সেই মতেই ৰাশি জোৰা হয়  ।

সংখ্যা ভেদে ৰাশি জোৰা দহ বিধৰ হয় ।  যেনে—মিত্র, দ্বিদ্বাদশ,  অৰি দ্বাদশ,  তৃতীয় একাদশ,  চতুর্থ দশম, মিত্র নৱপঞ্চম,  অৰি নবপঞ্চম,  মিত্র ষড়ষ্টক,  অৰি যড়ষ্টক,  সমসপ্তক আৰু বিষম সপ্তক ।

১।  দৰাৰ ৰাশিৰ পৰা কন্যাৰ ৰাশিলৈ লেখ কৰাত যদি ১২ হয়,  তেন্তে মিত্র দ্বাদশ জোৰা হয় । যেনে-দৰাৰ ৰাশি সিংহ,  কন্যাৰ ৰাশি কর্কট ।  সিংহৰ পৰা কৰ্কটলৈ লেখ কৰাত ১২ হ’ল গতিকে  মিত্র দ্বাদশ  জোৰা হ'ল । এই জোৰাত গণ, বর্ণ, বর্ণশুদ্ধি হলে বিবাহ কৰাব পাৰে, জোৰা আহে ।

২।  দৰাৰ ৰাশিৰ পৰা কন্যাৰ ৰাশিলৈ লেখ কৰাত যদি এঘাৰ হয়,  তেন্তে  তৃতীয় একাদশ  ৰাজ জোৰা হয় । যেনে - দৰাৰ ৰাশি বৃষ, কন্যাৰ ৰাশি মীন ।  দৰাৰ ৰাশি বৃষৰ পৰা কন্যাৰ ৰাশি মীনলৈ লেখ কৰাত এঘাৰ হ’ল। গতিকে এই জোৰা তৃতীয় একাদশ ৰাজ জোৰা বুলি কোৱা হয় ।

৩।  সেই দৰেই দৰাৰ পৰা কন্যাৰ ৰাশিলৈ লেখ কৰাত

যদি দশম হয়, তেন্তে ইয়াক চতুর্থ দশম ৰাজ জোৰা কয় ।  যেনে-- দৰাৰ ৰাশি মিথুন, কন্যাৰ ৰাশি মীন । মিথুনৰ পৰা মীনলৈ লেখত দশম হ’ল,  এইটো জোৰাক ৰাজ জোৰা বুলি কোৱা হয় ।

৪।  দৰাৰ ৰাশিৰ পৰা কন্যাৰ ৰাশিলৈ লেখ কৰাত যদি নৱম হয়,  তেন্তে মিত্র নবপঞ্চম  জোৰা হয় । যেনে—দৰাৰ ৰাশি কর্কট, কন্যাৰ মীন। কৰ্কটৰ পৰা মীনলৈ লেখত নৱম হােৱাত মিত্র নৱপঞ্চম জোৰা হ’ল । এই জোৰাত গণ, বর্ণ, বৰ্গ শুদ্ধি হলে বিবাহ কৰাব পাৰিব ।

৫। দৰাৰ ৰাশিৰ পৰা কন্যাৰ ৰাশিলৈ লেখ কৰাত যদি ৮ হয়, তেন্তে অৰি ষড়ষ্টক জোৰা হয় ।  যেনে—দৰাৰ ৰাশি

কন্যা  আৰু কন্যাৰ ৰাশি মেষ ।  কন্যাৰ পৰা মেষলৈ লেখ কৰাত আঠ হ’ল,   এই জোৰাত বিবাহ নিষিদ্ধ, এই জোৰাত জ্যোতিষ শাস্ত্ৰত বিবাহ কৰাৰ মত নাই ।

৬।  দৰাৰ ৰাশিৰ পৰা কন্যাৰ ৰাশিলৈ লেখ কৰাত যদি ৭ হয়,  তেন্তে ইয়াত জোৰা দুই বিধৰ হয় ;  যেনে—এটা সম সপ্তক হয়, আৰু এটা বিষম সপ্তক হয় । তাক এনেকৈ লেখ কৰিব লাগিব ;  মেষ, সিংহ, তুলা, ধনু, কুম্ভ — এইকেইটা বিষম ।  বৃষ, কর্কট, কন্যা, বৃশ্চিক, মকৰ, মীন — এইকেইটা ৰাশি সম ।

  দৰাৰ ৰাশিৰ পৰা কন্যাৰ ৰাশিলৈ লেখ কৰাত যদি ৭ হয় তেন্তে দৰাৰ ৰাশি সম নে বিষম চাই লব ।

যদি সম হয় তেন্তে তাক সমসপ্তক ৰাজ জোৰা বুলি কোৱা হয় । 

 যদি দৰাৰ ৰাশি বিষম হয়, তেতিয়া হ'লে বিষম সপ্তক জোৰা হয়,  সেই জোৰা অতি নিষিদ্ধ ।  যেনে দৰাৰ ৰাশি তুলা, কন্যাৰ ৰাশি মেষ,  তুলাৰ পৰা মেষলৈ ৭ হ’ল ; কিন্তু তুলা বিষম ৰাশি,  সেইবাবে এই জোৰা বিষম সপ্তক ।

 

দৰাৰ ৰাশি কর্কট, কন্যাৰ ৰাশি মকৰ । কৰ্কটৰ পৰা মকৰলৈ ৭ হ’ল ; কিন্তু কর্কট ৰাশি সম, সেইবাবেই

সম সপ্তক ৰাজ জোৰা হ'ল,  এইটো অতি উত্তম জোৰা হয় ।

৭।  দৰাৰ ৰাশিৰ পৰা কন্যাৰ ৰাশিলৈ লেখত যদি ৬ হয়,

ই ষড়ষ্টক জোৰা হয় । যেনে- দৰাৰ ৰাশি বৃশ্চিক, কন্যাৰ ৰাশি মেষ ।  বৃশ্চিকৰ মেষলৈ ৬ হ’ল, এনে জোৰাত বিবাহ কৰিব নাপায় ।

৮।  দৰাৰ ৰাশিৰ পৰা কন্যাৰ ৰাশিলৈ লেখত যদি পাঁচ হয়,  তেন্তে অৰি নৱপঞ্চক জোৰা হয়,  এনে জোৰাত বিবাহ নিষিদ্ধ ।

৯।  দৰাৰ ৰাশিৰ পৰা কন্যাৰ ৰাশিলৈ লেখ কৰাত যদি ৪ হয়,  তেন্তে চতুর্থ দশম ৰাজ জোৰা হয় ; যেনে, দৰাৰ ৰাশি কুম্ভ কন্যাৰ ৰাশি বৃষ ।  কুম্ভৰ পৰা বৃষলৈ ৪ হ’ল, এই জোৰা অতি উত্তম ।

১০। দৰাৰ ৰাশিৰ পৰা কন্যাৰ ৰাশিলৈ লেখত তিনি হলে

তৃতীয় একাদশ ৰাজ জোৰা হয় ।  যেনে— দৰাৰ ৰাশি মীন, কন্যাৰ ৰাশি বৃষ ।  মীনৰ পৰা বৃষলৈ লেখত তিনি হ'ল । গতিকে তৃতীয় একাদশ ৰাজ জোৰা হ'ল । এই জোৰা অতি শুভ জোৰা  ।

১১।  দৰাৰ ৰাশিৰ পৰা কন্যাৰ ৰাশিলৈ যদি ২ হয়, তেন্তে ।  দ্বিদ্বাদশ জোৰা হয় ;   যেনে- দৰাৰ ৰাশি মেষ, কন্যাৰ ৰাশি বৃষ,  মেষৰ পৰা বৃষলৈ দুই হ’ল ;  এনে জোৰাত বিবাহ নিষিদ্ধ ।

১২।  যদি দৰা কন্যা দুইৰাে একে ৰাশি হয়,  তেন্তে তাক

স্বৰাশি জোৰা বুলি কয় ।  এনে জোৰা অতি ভাল । স্বৰাশি,  সমসপ্তক,  তৃতীয় একাদশ,  চতুর্থ দশম, এনেবােৰ জোৰাক ৰাজ জোৰা বুলি কোৱা হয় ।  এই

কেইটা জোৰাত গণ, বর্গ, বর্ণ, নাড়ী, সৰ্বাঙ্গ শুদ্ধি নহলেও কোনো দোষ নাই ।  কাৰণ দৰা কন্যাৰ ৰাজ জোৰা হ'লে গণ বৰ্ণ আদিৰ দোষ নাথাকে ।

আন জোৰাত গণ, বর্গ, নাড়ী, সৰ্ব্বাঙ্গ, তাৰা, পতিহা, পত্নীহাও শুদ্ধ হব লাগে । দেশ কাল আৰু চিত্ত শুদ্ধি বুজি ৰাশিজোৰা চাই দিব ।

অশুভ ৰাশি জোৰাৰ প্ৰতিকাৰ 

ওপৰত লেখা জোৰবােৰ অৰি হ'লে বিবাহ কৰাব নােৱাৰে,  প্ৰতিকাৰ আবশ্যক ।   মিত্র হলে বিবাহ কৰাব পাৰে ।

 অৰিদ্বিদ্বাদশ জোৰা হলে সােণ দান কৰিব ।  নৱপঞ্চক জোৰাত ৰূপ দান কৰিব । ষড়ষ্টক জোৰাত গৰু দান কৰিব । 

চিত্তশুদ্ধি হলে ছােৱালীৰ যদি সোঁৱৰণী নাথাকে নাম সলাই দি বিবাহ কৰাব পাৰে ।

জাতকৰ নামানুসৰি ৰাশিসমূহৰ আদ্যাক্ষৰ

 মেষ -- অ, ল,

 বৃষ – উ, ব, ই, এ, ও,

 মিথুন - ক, ছ, ঘ, ঙ,

 কর্কট - ড, হ,

 সিংহ -- ম, ট,

 কন্যা --প, ঠ, য,ণ,

 তুলা - ৰ, ত,

 বৃশ্চিক –ন, য,

 ধনু -- ধ, ভ, ফ, ঢ়,

 মকৰ - খ, জ,

 কুম্ভ - গ, শ, স,

 মীন – দ, চ, থ, ঞ, ঝ, ঝ।

 গণ চোৱাৰ নিয়ম

দৰা কন্যাৰ নামৰ মূৰৰ আখৰ অনুসাৰে যি যি নক্ষত্র হয় সেইমতে গণ হয় । —যেনে- মৃগশিৰা, স্বাতী, হস্তা, শ্রবণা, পুষ্যা, ৰেৱতী, অনুৰাধা, অশ্বিনী, পুনৰ্ব্বসু, এই ৯ টা নক্ষত্ৰত দেৱগণ হয় ।

উত্তৰফল্গুণী, উত্তৰাষাঢ়া, উত্তৰভাদ্রপদ, পূৰ্ব্বভাদ্রপদ, পূৰ্ব্বষাঢ়া, পূৰ্ব্বফল্গুণী, ৰােহিণী, ভৰণী, আৰ্দ্ৰা, এই ৯ টা নক্ষত্ৰত নৰগণ হয় ।

জ্যেষ্ঠা, মূলা, অশ্লেষা, কৃত্তিকা, শতভিষা, চিত্রা, মঘা, ধনিষ্ঠা, বিশাখা, এই ৯ টাত ৰাক্ষসগণ বা দেবাৰিগণ হয় ।

দৰা কন্যা উভয়ৰ যদি একে গণ হয় তেন্তে অতি শুভ, দেৱতাই নৰে মধ্যম হয়,  ৰাক্ষসে নৰে অশুভ হয়, ৰাক্ষসে দেৱতাইও অশুভ,  দৰাৰ গন উচ্চ হলে ভাল ।

গণ বেয়া হলে বা গণৰ দোষ হ'লে  প্ৰতিকাৰ্থে পুৰোহিত্য ব্ৰাহ্মণক সোন দান কৰিব ।

নামৰ আখৰ অনুসৰি নক্ষত্ৰ সমূহৰ নাম 

<  প্ৰত্যেকটো নামৰ প্ৰথমটো আখৰ অনুসাৰে ৰাশি আৰু নক্ষত্ৰ স্থিৰ কৰা হয় ।  প্ৰতিটো নক্ষত্ৰৰ চাৰিটাকৈ পাদ বা চৰণ থাকে ।  এই পাদ বা চৰণৰ পৰাই গণ স্থিৰ কৰা হয়  >

১ অশ্বিনী -- চু, চে, চো, ল,

 ২  ভৰণী – লি, লু, লে, লাে,

 ৩  কৃত্তিকা- অ, ই, উ, এ

  ৪ ৰােহিণী – ও, ব, বি, বু,

 ৫  মৃগশিৰা -- বে, বাে, ক, কি,

 ৬  আৰ্দ্ৰা -- কু, ঘ, ঙ, ছ,

 ৭  পুনৰ্ব্বসু-- কে, কো, হ, হি,

  ৮  পুষ্যা -- হু, হে, হাে, ড়,

  ৯  অশ্লেষা – ডি, ডু, ডে, ডাে,

  ১০ মঘা -- ম, মি, মু, মে,

  ১১ পূর্বফাল্গুনী – মে, ট, টি, টু,

  ১২ উত্তৰ ফাল্গুনী – টে, টো, প, পি,

 ১৩  হস্তা -পু, পাে, ন, ঠ,

 ১৪  চিত্রা -- পে, পাে, ৰ, ৰি,

  ১৫ স্বাতী -- ৰু, ৰে, ৰাে, ত,

  ১৬ বিশাখা – তি, তু, তে, তাে,

  ১৭ অনুৰাধা - ন, নি, নু, নে

 ১৮  জ্যেষ্ঠা - নাে, য, যি, যু,

 ১৯  মূলা - যে, যযা, ভ, ভি,

  ২০ পূর্বৰ্ষাঢ়া - ভু, ধ, ফ, ঢ,

 ২১  উত্তৰষাঢ়া -- ভে, ভো, জ, জি,

  ২২ অভিজিৎ - জু, জে, জো, খ,

  ২৩ শ্ৰৱণা – খি, খু, খে, খাে,

  ২৪ ধনিষ্ঠা – গ, গি, গু, গে,

  ২৫ শতভিষা - গাে, শ, শি, শু,

  ২৬ পূর্বভাদ্রপদ – শে, শাে, দ, দি,

  ২৭ উত্তৰ ভাদ্রপদ – দ, ধ, ঝ, ঞ,

 ২৮  ৰেৱতী – দে, দো, চ, চি,

(বি. দ্র. ই কাৰৰ ঠাইত ঈ কাৰাে প্রযােজ্য হ'ব।)

《》《》《》《》《》《》《》《》《》《》